గుడివాడ : గుడివాడ పట్టణ వ్యాప్తంగా మెగా వ్యాక్సినేషన్ డ్రై రన్ ఆదివారం విజయవంతంగా జరిగింది. పట్టణం లో జరుగుతున్న వ్యాక్సినేషన్ డ్రై రన్ ను మున్సిపల్ అధికారులు నిరంతరం పర్యవేక్షించారు.
గుడివాడలోని 5,6,7, 23, 24 వార్డు సచివాలయం పరిధిలో నిర్వహిస్తున్న వ్యాక్సినేషన్ ను మున్సిపల్ కమిషనర్ సంపత్ కుమార్ పరిశీలించి, వ్యాక్సిన్ పంపిణీ వివరాలను అడిగి తెలుసుకున్నారు. రాష్ట్ర ప్రభుత్వం నిర్దేశించిన లక్ష్యాలకు అనుగుణంగా గుడివాడ పురపాలక సంఘ పరిధిలో వ్యాక్సినేషన్ డ్రై రన్ ముమ్మరంగా జరుగుతుందని కమిషనర్ సంపత్ కుమార్ తెలిపారు. 18 ఏళ్ల పైబడిన ప్రతి ఒక్కరికి వ్యాక్సిన్ అందేలా పూర్తిస్థాయిలో చర్యలు తీసుకుంటున్నట్లు ఆయన చెప్పారు.