మళ్లీ మాటీవీలో ప్రసారం కానున్న బిగ్ బాస్ సీజన్-6

స్టార్ మా లో ప్రతి సంవత్సరం ప్రసారమయ్యే బిగ్ బాస్ షో గురించి అందరికీ తెలిసిందే. బిగ్ బాస్ షో అనేది రియాలిటీ షో. ఈ బిగ్ బాస్ షో కు ఉన్నంత పాపులారిటీ వేరే షో లోఉండదు. ఇటీవలే బిగ్ బాస్ నాన్ స్టాప్ గా సీజన్ 1 హార్ట్ స్టార్ లో జరిగిన విషయం కూడా తెలిసిందే. ఇప్పటివరకు ఈ షో స్టార్ మా లోసీజన్ 5 వరకు వెళ్ళింది.

తాజాగా సీజన్ 6 ప్రారంభం అవుతున్న విషయం తెలిసిందే. ఇదివరకే బిగ్ బాస్ లోగోను రిలీజ్ చేయగా తాజాగా ప్రోమోతో నాగార్జున కనిపించారు. జీవితంలో బిగ్ బాస్ తరువాతే ఏదైనా అంటూ ప్రోమోలో హోస్ట్ గా నాగార్జున సందడి చేశారు.

బిగ్ బాస్ ఓటిటి ముగిసిన వెంటనే సీజన్ సిక్స్ గ్రాండ్ గా లాంచ్ చేయాలనుకున్నారు. బిగ్ బాస్  ఓటీ టీ ఎక్కువగా పాపులర్ కాకపోవడంతో అనుకున్న టిఆర్పి రేటింగ్ లేకపోవడంతో కొన్ని రోజులు వాయిదా వేశారు. ఈ తరుణంలో కంటెస్టెంట్స్ ఎంపిక తో పాటు షో నిర్మాణం ప్రత్యేక శ్రద్ధతో వ్యవహరించనున్నారు.

బిగ్ బాస్ షోని ఓటీటీ లో ప్రసారం చేయడం వల్ల టీవీల ద్వారా చూసే ఆడియన్స్ చూడలేకపోవడంతో  ప్రేక్షకులు ఆదరణను పొందలేకపోయింది. రేటింగ్ చాలా వరకు తగ్గిపోయిందని సోషల్ మీడియా ద్వారా మనకందరికీ తెలిసిన విషయమే. షో ఎలా పాపులర్ అవ్వాలి అనేది షోలో పాల్గొనేవారిని బట్టి ఉంటుందని అందువలన సీజన్ 6 చాలా జాగ్రత్తగా ఆడియన్స్ ను ఆకట్టుకునే విధంగా ఎంటర్టైన్మెంట్ ఉండేలాగా షోను ప్రారంభించనున్నట్లు సమాచారం సోషల్ మీడియా ద్వారా వైరల్ అవుతుంది.

సెప్టెంబర్ 4 -2022 ఆదివారం రోజు బిగ్ బాస్  సీజన్ 6 ను ప్రారంభించే అవకాశాలు ఉన్నాయని  సోషల్ మీడియా ద్వారా తెలుస్తుంది. గతంలో సీజన్ 4 సెప్టెంబర్ నెలలోనే ప్రారంభించారు. దీనికి నాగార్జున హోస్ట్ గా వ్యవహరించారు.

సీజన్ 4 సెప్టెంబర్ 21- 2020 ప్రారంభించిన అనుకోని విధంగా రికార్డు స్థాయిలో టిఆర్పిని సంపాదించి పెట్టింది. బిగ్ బాస్ తెలుగు హిస్టరీలోనే అత్యధిక రేటింగును ఈ సీజన్లోని రికార్డులను బద్దలు కొట్టి 21.7 T V R రేటింగును సంపాదించుకుంది. ఇదే కాక సీజన్5 కూడా సెప్టెంబర్ 5-2021 లో ప్రారంభించారు. ఈ సీజన్ కూడా అనుకున్నంత రేటింగును సాధించింది. ఈ సీజన్లో 18.4 T V R రేటింగును సాధించింది.

మొదటి సీజన్లో 16.18 రేటింగ్, రెండవ సీజన్లో 15.5 రేటింగ్ మూడో సీజన్లో 17.9 నమోదు కాగా సీజన్ 4 అత్యధిక రికార్డు స్థాయిని సంపాదించింది. ఈ సీజన్ కు నాగార్జున హోస్ట్ గా వ్యవహరించారు. ఇందులో ఆబిజిత్ విన్నర్ గా, అఖిల్ రన్నర్ గా నిలిచిన విషయం అందరికీ తెలిసిందే. సీజన్ 5 కూడా నాగార్జున గారే హోస్ట్ గా వ్యవహరించారు.

ఈ సెంటిమెంట్ ద్వారా సీజన్ 6 కూడా సెప్టెంబర్ 4 2022 ఆదివారం రోజు గ్రాండ్ గా లాంచ్ చేయనున్నట్లు సోషల్ మీడియా ద్వారా వెల్లడయ్యింది. దీనికి కూడా నాగార్జున హోస్టుగా వ్యవహరించనున్నారు. దీనిని ఓటీటీ లో కాకుండా ఎప్పటిలాగే స్టార్ మా లో  ప్రసారమయ్యేలా అన్ని ఏర్పాట్లు పూర్తయినట్లుగా సోషల్ మీడియా ద్వారా వెళ్లడయ్యింది.