Rashmi Gautam: Bomma Blockbuster నవంబర్ 4న విడుదల
Rashmi Gautam: Bomma Blockbuster Movie యాంకర్ రష్మీ కి ఎంత ఫాలోయింగ్ ఉందో చెప్పనక్కర్లేదు. రష్మీ జబర్దస్త్ షో ద్వారా ప్రేక్షకులకు మరింత దగ్గరయ్యింది. తనకంటూ ఒక ప్రత్యేక ఇమేజ్ను సంపాదించుకుంది. తాజాగా తను నటించిన బొమ్మ బ్లాక్ బస్టర్ సినిమా కోసం తన అభిమానులు వేచి చూస్తున్నారు. వారి ఆశలు ఫలించాయి.
యాంకర్ రష్మీ, గీతా మాధురి భర్త టాలీవుడ్ నటుడు నందు విజయ్ కృష్ణ కలిసి జంటగా “బొమ్మ బ్లాక్ బస్టర్” సినిమాలో నటించారు. ఈ సినిమా రిలీజ్ చేసేందుకు సినిమా సెన్సార్ బోర్డ్ A సర్టిఫికెట్ ఇచ్చి విడుదలకు అంగీకరించింది. యువతను ఆకట్టుకునే విధంగా సినిమా ఉందని, ఈ సినిమాను నవంబర్ 4వ తేదీన విడుదల చేస్తున్నారు.
అదే రోజున ఫరియా అబ్దుల్లా, సంతోష్ శోభన్ నటించిన “లైక్ షేర్ అండ్ సబ్స్క్రైబ్” సినిమా కూడా విడుదల చేస్తున్నారు. అయితే రష్మీ నటించిన సినిమా ట్రైలర్ కు పాజిటివ్ టాక్ వినిపిస్తుంది. యూట్యూబ్ ద్వారా రెండు మిలియన్ల వ్యూస్ కూడా వచ్చాయి.
ఈ నేపథ్యంలో రష్మీ కోసమైనా సినిమా చూస్తామంటూ అభిమానులు కామెంట్స్ చేస్తున్నారు. రష్మీ గౌతమ్ నటించిన సినిమాకు విరాట్ దర్శకత్వం వహిస్తున్నారు. ఈ సినిమా ద్వారా ఈయన దర్శకుడుగా పరిచయం కాబోతున్నారు. విజయీభవ ఆర్ట్స్ ఎంటర్టైన్మెంట్స్ బ్యానర్ పై, ప్రవీణ్ పగడాల, బోసు బాబు, ఆనంద్ రెడ్డి, మనోహర్ రెడ్డి వీళ్ళందరూ కలిసి ఈ సినిమాలు నిర్మించారు.
ఇటీవల విడుదలైన ఈ సినిమాలోని పాటలకు, టీజర్ కు, ట్రైలర్ కు ఆడియన్స్ మంచి రెస్పాన్స్ ఇవ్వడంతో ఈ సినిమాపై అంచనాలు పెరిగిపోతున్నాయి. ఇదిలా ఉండగా రష్మీ అభిమానులు మాత్రం ఈ సినిమాను రష్మీ కోసమే చూస్తామని వెయిట్ చేస్తున్నారు. అందువల్లనే సినిమాను నవంబర్ 4 ను విడుదల చేయనున్నారు.
ఈ సినిమాను పక్క పల్లెటూరు వాతావరణం లో తీశారని టైలర్ చూడగానే అర్థమయింది. విశాఖపట్నం దగ్గరలో ఉండే అచ్యుతాపురం లో ఈ సినిమాను షూటింగ్ చేశారు. యువతను ఆకట్టుకునే అంశాలతో పాటుగా, త్రిల్లింగ్ తో కూడుకున్న సన్నివేశాలు ఉన్నాయని సినిమా బృందం తెలిపింది.
అయితే ట్రైలర్ చూసిన ఎవ్వరికి ఇది ఏ సర్టిఫికెట్ సినిమా అనుకోరు, ఎందుకంటే ట్రైలర్ లో ఎక్కువ రొమాన్స్, హింస లేవు. కానీ ఈ సినిమాపై అంచనాలు మాత్రం పెరిగిపోతున్నాయి. చిత్ర బృందం కూడా ఈ సినిమాపై ఎక్కువ అంచనాలే పెట్టుకుంటుంది. ఈ సినిమా ద్వారా రష్మికి ఎంత గుర్తింపు వస్తుందో చూడాలంటే వెయిట్ చేయక తప్పదు.
