యువ హీరో వైష్ణవ్ తేజ్, రకుల్ కెమిస్ట్రీ సూపర్
యువ హీరో వైష్ణవ్ తేజ్ నటిస్తున్న చిత్రం కొండపొలం. క్రిష్ దర్శకత్వం వహిస్తున్న ఈ మూవీలో, రకుల్ ప్రీతిసింగ్ హీరోయిన్ గా నటిస్తుంది. అక్టోబర్ 8న గ్రాండ్ గా విడుదల కాబోతుంది. క్రిష్ బృందం ఇప్పటికే వైష్ణవ్ తేజ్, రకుల్ ప్రీతిసింగ్ పాత్రలను పరిచయం చేస్తూ పోస్టర్లు విడుదల చేశారు. ప్రేక్షకులనుండి అద్భుతమైన స్పందన వచ్చింది.
ఇప్పటికే క్రిష్ బృందం మ్యూజికల్ ప్రమోషన్స్ ను మొదలు పెట్టారు. ఈ ప్రాజెక్టు నుంచి ఫస్ట్ పాటను రేపు సాయంత్రం 6 గంటలకు విడుదల చేయబోతున్నారు. తాజాగా మేకర్స్ కొత్త పోస్టర్ విడుదల చేశారు. రెడ్ టీ షర్ట్ లో ఉన్న యువ హీరో వైష్ణవ్ తేజ్ రకుల్ ను ఓరగా చూస్తున్నాడు, రకుల్ లంగా వోణిలో చెట్టుపై నవ్వుతూ కనిపిస్తుంది.
అందమైన పల్లెటూరు లొకేషన్ పల్లెటూరి అమ్మాయి తో తిరుగుతున్నట్టు గా ఈ పోస్టర్ సినిమాపై ఆసక్తిని కలిగిస్తుంది. సున్నపు రెడ్డి వెంకట రామిరెడ్డి రాసిన’కొండపొలం’నవల ఆధారంగా ఈ చిత్రం తెరపై రానుంది. ఈ సినిమాలో వైష్ణవి తేజ్ కటారు రవీంద్ర యాదవ్ గా, రకుల్ ప్రీతిసింగ్ ఓబులమ్మ గా అనే గ్రామీణ యువతిగా కనిపించనుంది.
ఈ చిత్రాన్ని ఫస్ట్ ప్రేమ్ ఎంటర్టైన్మెంట్స్ పతాకంపై సాయిబాబు, జాగర్లమూడి, రాజీవ్ రెడ్డి గారు ఈ మూవీని నిర్మిస్తున్నారు. కొండాపురం చిత్రానికి ఎంఎం కీరవాణి గారు మ్యూజిక్ డైరెక్టర్.
