చిరంజీవి,సల్మాన్ ఖాన్ ఇద్దరు హీరో లు కలిసి గాడ్ ఫాదర్ సినిమాలో కలిసి నటిస్తున్న విషయం అందరికీ తెలిసిందే.
ఈ సినిమాలో ఈ ఇద్దరి హీరోలు కలిసి డాన్స్ చేసిన సాంగ్ ని చిత్రీకరించారు.
థియేటర్లు దద్దరిల్లేలా ఆ సాంగ్ ఉంటుందంటూ గాడ్ ఫాదర్ చిత్ర బృందం ప్రేక్షకులలో ఆసక్తిని రేకెత్తించింది.
ఆ హుషారైన పాట ఎప్పుడొస్తుందా అనే వారి ఎదురుచూపులకు తాజాగా చిత్రబృందం తెరదించింది.
ఈ పాట కు సంబంధించి ఒక ప్రోమో ను చిత్ర బృందం రిలీజ్ చేసింది.
తమన్ అందించిన మ్యూజిక్ కు తగ్గట్టు చిరు,సల్మాన్ చేసిన డ్యాన్స్ సూపర్ గా అనిపించేటట్లుగా ఉంది.
ఇద్దరు స్టార్ హీరోలు ఒకే ఫ్రేమ్ లో కనిపించడంతో సినీ అభిమానులకు ఫుల్ పండగలాగే ఉంది.
చిరంజీవి హీరోగా దర్శకుడు మోహన్ రాజా తెరకెక్కిస్తున్న చిత్రం ఇది
ఈనెల 15వ తేదీన ఈ పాట మొత్తం విడుదల కానుంది.