ఎంపీపీ, జెడ్పీ చైర్మన్ ఎన్నికకు ఎస్ఈసీ నోటిఫికేషన్…

అమరావతి: ఏపీలో ఎంపీటీసీ,జడ్పీటీసీ ఎన్నికల ఓట్ల లెక్కింపు కొనసాగుతున్న నేపథ్యంలో ఎంపీపీ,జడ్పీ చైర్మన్ ఎన్నిక రాష్ట్ర ఎన్నికల సంఘం నోటిఫికేషన్ జారీ చేసింది.

మండల, జిల్లా పరిషత్ అధ్యక్షులు, ఉపాధ్యక్షుల ఎన్నికకు తేదీలు ఖరారు చేసింది. రాష్ట్ర ఎన్నికల కమిషనర్ నీలం సాహ్ని ఆదేశాలు జారీ చేశారు. ఈ నెల 24న మధ్యాహ్నం మూడు గంటలకు ఎంపీపీ, వైస్ ఎంపీపీ, 25న మధ్యాహ్నం మూడు గంటలకు జడ్పీ చైర్మన్, వైస్ చైర్మన్ల ఎన్నిక ప్రక్రియ చేపట్టనున్నారు.

ప్రతిసారి జిల్లా పరిషత్ లో చైర్మన్, ఒక వైస్ చైర్మన్ సభ్యులు ఎన్నుకునే వారు. ఇటీవల రాష్ట్ర ప్రభుత్వం పంచాయతీ రాజ్ చట్టం లో సవరణలు చేయడంతో రెండో వైస్ చైర్మన్ ను సైతం ఎన్నుకొన్నారు. నగరపాలక సంస్థల్లో, పురపాలక సంఘాల్లో నూ రెండో డిప్యూటీ మేయర్, రెండో వైస్ చైర్మన్ ల స్థానాలను కూడా కొత్తగా తీసుకు వచ్చిన విషయం తెలిసిందే.