అసోంలో ఘోర పడవ ప్రమాదం:
అసోంలో ప్రయాణికులతో వెళ్తున్న 2 పడవలు బ్రహ్మపుత్ర నదిలో బోల్తా పడ్డాయి.. జోర్హాట్‌ లోని నిమాతిఘాట్‌ వద్ద ఈ ఘటన చోటుచేసుకుంది. ఈత వచ్చిన కొందరు ప్రయాణికులు ఈదుకుంటూ ఒడ్డుకు చేరారు. ఈత రానివారు మునిగిపోయినట్లు సమాచారం. విషయం తెలిసిన ఎన్డిఆర్ఎఫ్ బృందాలు రంగంలోకి దిగాయి.
బ్రహ్మపుత్ర నదిలో పడవలు ఎదురెదురుగా రావడంతో ఈ ప్రమాదం జరిగినట్లు తెలుస్తోంది. గల్లంతైన వారి కోసం రక్షించడానికి సహాయక చర్యలు కొనసాగిస్తున్నారు.
మజులి నుంచి నీమాటిఘాట్‌కు వెళ్తున్న ఓ పడవ తిరుగు ప్రయాణం చేస్తున్న మరో పడవ ఢీకొన్నాయి.ఈ ఘటనపై కేంద్ర ఓడరేవుల శాఖ మంత్రి సర్బానంద సోనోవాల్‌ దిగ్భ్రాంతి వ్యక్తం చేశారు. అసోం ముఖ్యమంత్రి హిమంత బిశ్వశర్మతో ఫోన్‌లో మాట్లాడి వివరాలు తెలుసుకున్నారు. సహాయక చర్యలు ముమ్మరం చేయాలని వెంటనే ఆదేశించారు. మ‌జులీ, జోర్హ‌త్ జిల్లాల అధికార యంత్రాంగాన్ని వెంటనే అప్ర‌మ‌త్తం చేశారు.