పాకిస్తాన్ తో జరుగుతున్న టి20 ప్రపంచ కప్ మ్యాచ్ ప్రారంభానికి ముందు భారత కెప్టెన్ రోహిత్ శర్మ భావోద్వేగానికి గురయ్యాడు. భారత కెప్టెన్ రోహిత్ శర్మ జాతీయ గీతం అలపించాక కళ్ళల్లో నీళ్లు తిరిగాయి. ఆ వీడియో వైరల్ గా మారింది.
మెల్ బోర్న్: దాయాది దేశంతో మ్యాచ్, అందులోనూ ప్రపంచ పోరు. దీంతో ఆదివారం ఆస్ట్రేలియాలోని మెల్బోర్న్ క్రికెట్ మైదానం ఉద్విగ్న క్షణాలకు నిలయమైంది. రెండు దేశాల క్రికెట్ అభిమానులకు ఎంతో కీలకమైన ఈ టోర్నీ టీమిండియా కెప్టెన్ రోహిత్ శర్మ భావోద్వేగానికి గురయ్యాడు. పాకిస్తాన్ తో మ్యాచ్ సందర్భంగా భారత జాతీయ గీతాన్ని ఆలపిస్తున్న సమయంలో కెప్టెన్ రోహిత్ శర్మ తన్మయత్వంతో ఉప్పొంగిపోయాడు.
జనగణమన గీతాన్ని ముగించిన అనంతరం గుండెల నిండా ఊపిరి తీసుకున్నాడు. ఆ సమయంలో అతడి కళ్ళు చెమర్చడం కనపడుతుంది. ఈ వీడియో అభిమానులను కదిలించింది.”ఈ భావోద్వేగానికి స్వచ్ఛమైనవి అంటూ ఐసీసీ ఈ వీడియోని ఇన్స్టాగ్రామ్ లో పోస్ట్ చేసింది. రెండు మిలియన్లకు పైగా లైకులను సొంతం చేసుకున్న ఈ వీడియో వైరల్ గా మారింది.
