Karthika Deepam Vantalakka: ప్రేమీ విశ్వనాథ్ పేరు ఎక్కడ చూసిన వినిపిస్తుంది. ఎందుకంటే ఈమె నటించిన కార్తీకదీపం సీరియల్ ద్వారా అంత ఇమేజ్ వచ్చింది. అంతేకాకుండా బుల్లితెరపై మంచి క్రేజ్ ఉన్న వారిలో ఈమె ఒకరు. బుల్లితెరపై నటించే, హీరోలకు ఉన్న క్రేజ్ ఈమెకు ఉంది. ఆమె ఎవరో కాదు. దీప.
దీప అని చెప్పడం కంటే వంటలక్క అని చెబితే అందరూ గుర్తుపడతారు. కార్తీకదీపం సీరియల్ ద్వారా తెలుగు ప్రేక్షకులకు పరిచయమైంది. ఈమె కేరళకు చెందినది. స్టార్ హీరోయిన్లకు ఉన్నంత ఫాలోయింగ్ సంపాదించుకుంది. తెలుగులో నటిస్తున్నది ఒక్క సీరియల్ అయినప్పటికీ, ఈమె కు ఉన్న క్రేజ్ ను ఎవరు దాటలేకపోతున్నారు.
ఈమె కేరళలో జన్మించింది, మలయాళం అయినప్పటికీ తెలుగులోనే ఎక్కువ పాపులర్ అయింది. ప్రస్తుతం సీరియల్స్ లో కాదు యాడ్స్లలో కూడా నటించడం మొదలుపెట్టింది. తాజాగా ఆమెకు ఒక మంచి అవకాశం వచ్చిన విషయం తెలిసిందే! అదేనండి స్టార్ హీరో అక్కినేని అఖిల్ సినిమాలో నటించే అవకాశాన్ని పొందింది.
ఇది ఇలా ఉంటే తాజాగా కార్తీకదీపం సీరియల్ 1500 ల ఎపిసోడ్స్ పూర్తిచేసుకుంది. ఈ వార్త తెగ వైరల్ అవుతుంది. ఎందుకంటే 1500 ఎపిసోడ్స్ పూర్తి చేసుకున్న సందర్భంగా, కార్తీకదీపం సీరియల్ లో నటించేవారు కేక్ కట్ చేస్తూ, పూలతో ఎపిసోడ్ నెంబర్ వేసి ఆనందంగా గడిపారు.
సీరియల్ లో ఎప్పుడు పోట్లాడుకుంటూ ఉండే దీప, మోనిత ఈ సందర్భంగా కలిసి సంతోషంగా ఉండటం చూసిన అభిమానులు ఆశ్చర్యానికి గురవుతున్నారు. ఏంటి ఇదంతా మీరు ఎప్పుడు కలిశారని మెసేజ్లు పెడుతున్నారు. అభిమానులు పెట్టిన మెసేజెస్ ఇప్పుడు తెగ వైరల్ అవుతున్నాయి.
తాజాగా వంటలక్కకు ఉన్న ఆస్తి వివరాలు ఇప్పుడు సోషల్ మీడియా అంతటా వైరల్ అవుతున్నాయి. ఎందుకంటే దీపకు కేరళలో రెండు స్టూడియోస్ ఉన్నాయట, అందులో సినిమాలకు, సీరియల్స్ కు పోస్ట్ ప్రొడక్షన్ పనులు జరుగుతాయని తెలిసింది. అయితే ఈ విషయంపై కొందరు అభిమానులు స్పందిస్తూ, వంటలక్కకు ఆస్తి ఎక్కువగా ఉన్నట్లు ఉందని వార్తలు వినబడుతున్నాయని అంటున్నారు.
వంటలక్కకు మొత్తం 40 కోట్ల ఆస్తి ఉండవచ్చని వార్త తెగ హల్చల్ చేస్తుంది. మొదట మలయాళం లో వచ్చిన కార్తీకదీపం సీరియల్ ద్వారా ఎంతో మంది అభిమానులను సంపాదించుకుంది. ఇప్పుడు తెలుగు రెండు రాష్ట్రాల్లో అంతే ఫాలోయింగ్ ఉంది. అంతేకాకుండా మలయాళం లో ఫ్లవర్స్ టీవీ షో కి హోస్టుగా కూడా పనిచేసింది.
వంటలక్క భర్త పేరు డాక్టర్ వినీత్ బట్. ఈయన కు కూడా మంచి గుర్తింపు ఉంది. వినీత్ బట్ 2017 లో వరల్డ్ బెస్ట్ ఆస్ట్రాలజర్ గా ఎంపికయ్యాడు. అంతేకాకుండా ఆస్ట్రాలజీలోఅనేక అంతర్జాతీయ అవార్డులు కూడా అందుకున్నాడు. ఈయన దగ్గరికి రాజకీయవేత్తలు, సినీ ఇండస్ట్రీస్ వాళ్ళు, పెద్ద పెద్ద వ్యాపారవేత్తలు తరచుగా వెళ్తూ ఉంటారు.
ఇక సీరియల్ విషయానికి వస్తే కార్తీకదీపం సీరియల్ 2017 లో మొదలుపెట్టారు. మలయాళ సీరియల్ ను రీమేక్ చేసి కార్తీకదీపం సీరియల్ గా ప్రసారం చేస్తున్నారు. సీరియల్లో కార్తీక్గా పరిటాల నిరూపం వంటలక్కగా ప్రేమీ విశ్వనాథ్, మౌనిత గా కన్నడ నటి శోభా శెట్టి నటిస్తున్నారు.
శోభా శెట్టి కి కూడా మంచి ఫ్యాన్స్ ఫాలోయింగ్ ఉందనే చెప్పవచ్చు. కన్నడలో ఎన్నో సీరియల్స్, సినిమాలలో నటించింది. తను ఎప్పటికప్పుడు తన ఫోటోలను ఇంస్టాగ్రామ్ ద్వారా ప్రేక్షకులతో పంచుకుంటుంది. తనదైన శైలిలో నటిస్తూ మంచి ఇమేజ్ను సంపాదించుకుంటుంది…
ఇకపోతే సౌందర్య పాత్రలో అర్చన అనంత్ నటిస్తున్నారు.. సీరియల్ లో మంచి అత్తగారిగా, పవర్ఫుల్ లేడీ గా తను నటిస్తుంది. అంతేకాకుండా కేరాఫ్ అనసూయ సీరియల్ లో కూడా నటిస్తుంది. మొదట ఫ్యాషన్ డిజైనర్ గా గుర్తింపు పొందాలని అనుకుని, అది నెరవేరక సీరియల్ లో నటిస్తుంది.
ప్రేమీ విశ్వనాధ్ తన నటనను ప్రారంభించక ముందు మోడల్గా పనిచేసింది. అలాగే ఫోటోగ్రఫీ పై ఆసక్తితో ఫోటోగ్రాఫర్ అయినా తన అన్న శివప్రసాద్ తో కలిసి కొన్ని శుభకార్యాలకు ఫోటోగ్రాఫర్ గా పనిచేస్తుంది.. లా పూర్తిచేసి ప్రైవేటు సంస్థకు లీగల్ అడ్వైజర్ గా కూడా పనిచేసింది. ప్రేమీ విశ్వనాథ్, వినీత్ బట్, ఇద్దరికీ మంచి ఇమేజ్ ఉన్న వాళ్ళని చెప్పుకోవచ్చు. వీరి ఇరువురికి ఒక కొడుకు ఉన్నాడు.
