Samantha Health: తాజాగా సమంత పై ఒక న్యూస్ ఇప్పుడు తెగ వైరల్ అవుతుంది. గత కొన్ని రోజులుగా తను సోషల్ మీడియాకు దూరంగా ఉంటుంది. ఆమెకు హెల్త్ కండిషన్ బాగాలేదని చాలా వార్తలు వచ్చాయి. అప్పుడు వాటిపై సమంత ఏ విధంగా స్పందించలేదు. అయితే తాజాగా ఆమె పెట్టిన పోస్ట్ అందర్నీ ఆశ్చర్యానికి గురి చేసింది.
యశోద సినిమాకు డబ్బింగ్ చెప్తూ, లవ్ సింబల్ చూపిస్తూ ఒక ఫోటోను తన ట్విట్టర్ ద్వారా పోస్ట్ చేసి, తనకు హెల్త్ బాగాలేదని, మయోసైటిస్ అనే వ్యాధి బారిన పడినట్లు, చికిత్స తీసుకుంటున్నాను, త్వరలోనే తగ్గిపోతుంది అని డాక్టర్స్ చెప్పారని పోస్ట్ చేసింది. అంతేకాక ఈమె పోస్ట్ చేసిన ఫోటోలో చేతికి సెలైన్ ఎక్కించుకుంటూ ఉన్నది చూసిన అభిమానులు తనకు నిజంగానే హెల్త్ కండిషన్ బాగాలేదని తెలుసుకొని త్వరగా కోలుకోవాలని ప్రార్థిస్తున్నారు.
అయితే ఈ విషయంపై సినీ పరిశ్రమంలోని వారు కూడా తనకు ధైర్యాన్ని ఇస్తూ, తను త్వరగా కోలుకోవాలని ఆశిస్తున్నామని తమ ట్విట్టర్ ద్వారా సోషల్ మీడియాలో పోస్ట్ చేస్తున్నారు. ఈ క్రమంలో అక్కినేని ఇంటి చిన్న కుమారుడు అయిన అక్కినేని అఖిల్, అందరి ప్రేమ, అభిమానాలు నీకు మరింత బలాన్ని ఇస్తాయి, డియర్ సామ్. అంటూ అఖిల్ పోస్ట్ చేశాడు.
అదేవిధంగా జూనియర్ ఎన్టీఆర్ కూడా తన ట్విట్టర్లో నువ్వు త్వరగా కోలుకోవాలి, మీకు ఆ ధైర్యాన్ని నేను పంపుతున్నాను అంటూ పోస్ట్ చేశాడు. నాగబాబు కూడా సమంత పై కొన్ని కీలకమైన కామెంట్స్ చేశారు. ఇంతవరకుఆయనకు తెలిసిన ధైర్యమైన వారిలో సమంత ఒకరని. ఆమెకి వ్యాధి వచ్చినందుకు తన హృదయం ఎంతో చింతించిందని, సామ్ త్వరగా కోలుకోవాలని, ముందుకంటే ఇప్పుడు బాగా ధైర్యంగా తిరిగి రావాలని చెప్పారు.
సమంతా స్వతంత్ర మహిళగా, శక్తి సామర్ధ్యాలు కలిగిన ఆశావాది వ్యక్తిగా చూశానని, ఇప్పుడు తనను ఇలా చూడటం చాలా బాధగా ఉందని, తను త్వరగా కోలుకొని రావాలని ఆశిస్తున్నాను అంటూ పేర్కొన్నారు. మెగాస్టార్ చిరంజీవి కూడా సమంతకు ధైర్యం చెప్పారు. డియర్ సామ్ జీవితంలో అనేక మార్పులు వస్తుంటాయి, సవాళ్లు వస్తుంటాయి, వాటి వల్లనే మనం ఎంత శక్తివంతులమో తెలుస్తుంది.
నువ్వు ఎంతో మనోబలంతో కూడిన అమ్మాయివి. ఈ ఛాలెంజ్ల అన్నిటిని త్వరలోనే అధిగమిస్తావు. నువ్వు జీవితంలో ఎన్నో ఓడుదుడుకులను అధిగమించావు. వాటితో పోలిస్తే ఇది చాలా చిన్నది. నాకు నమ్మకం ఉంది. నువ్వు త్వరగా కోలుకుంటామని చిరంజీవి తెలిపారు. ఈ విధంగా సినీ పరిశ్రమలోని ప్రముఖులు సమంత ఆరోగ్య విషయంపై స్పందిస్తున్న వార్తలు సోషల్ మీడియాలో ఎక్కువగా వైరల్ అవుతున్నాయి.
Read more: సమంతకి సోకిన అరుదైన వ్యాధి- ఆ వ్యాధి లక్షణాలు ఏంటి?
అయితే ఈ విషయంపై ఇంతవరకు నాగచైతన్య స్పందించలేదు. పెళ్లి చేసుకుని విడిపోయిన, తను ఒకప్పటి మాజీ భార్య, అలాగే తనతో సినిమాల్లో నటించింది, అన్న ధోరణితోనైనా, నాగచైతన్య, సమంత కోలుకోవాలని కోరుకోవచ్చు కదా! అంటూ సమంత అభిమానులు తనపై ట్రోల్స్ చేస్తున్నారు.
నాగార్జున గారు తన మాజీ కోడలు సమంతను స్వయంగా వెళ్లి కలిసి తన ఆరోగ్య విషయంపై పరామర్శించబోతున్నారని వార్తలు సోషల్ మీడియాలో ఇప్పుడు వైరల్ అవుతున్నాయి. ఏదేమైనా సమంత కోరుకోవాలని, తన అభిమానులు ఎంతగానో కోరుకుంటున్నారు. కొందరు పూజలు కూడా చేస్తున్నారు. సమంత ఆరోగ్య విషయంపై వచ్చిన వార్తలు ఇప్పుడు సోషల్ మీడియాలో హల్చల్ చేస్తున్నాయి. ఏదేమైనా వారి కోరిక ఫలించి దేవుని ఆశీర్వాదం వలన సమంత కోరుకోవాలని ఆశిద్దాం.