తాజాగా ఈ వాల్తేరు వీరయ్య సినిమాకు సంబంధించి మేకర్స్ ఇచ్చిన స్టేట్మెంట్ మెగా అభిమానుల్లో ఉత్కంఠను పెంచింది. డిసెంబర్ 12న ఈ సినిమా నుంచి మాస్ అప్డేట్ రానుందని మేకర్స్ అధికారికంగా ప్రకటించారు.
వరుసతో కుర్ర హీరోలతో పోటీ పడుతున్న మెగాస్టార్ చిరంజీవి ప్రస్తుతం వాల్తేరు వీరయ్య సినిమా చేస్తున్న సంగతి తెలిసిందే. ఔట్ అండ్ ఔట్ యాక్షన్ ఎంటర్‌టైనర్‌గా వస్తున్న ఈ సినిమాకి ఎప్పటికప్పుడు వస్తున్న అప్‌డేట్స్ మెగా అభిమానుల్లో ఉత్కంఠను పెంచుతున్నాయి.
ఈ నేపథ్యంలో తాజాగా ఈ వాల్తేరు వీరయ్య సినిమాకు సంబంధించి మేకర్స్ ఇచ్చిన స్టేట్మెంట్ మరింత ఊపందుకుంది. డిసెంబర్ 12న ఈ సినిమా నుండి మాస్ అప్ డేట్ రాబోతుందని మేకర్స్ అఫీషియల్ గా అనౌన్స్ చేసారు.ఈ మేరకు క్యూరియాసిటీ పెంచేలా కొత్త పోస్టర్ కూడా రిలీజ్ చేసారు.
ఈ సినిమాలో మెగాస్టార్ చిరంజీవి, మాస్ మహారాజా రవితేజ కూడా నటిస్తున్నారు. గత కొన్ని రోజులుగా చిరు, రవితేజ కాంబోలో కొన్ని సన్నివేశాలను చిత్రీకరిస్తున్నారు. ఈ నేపథ్యంలో మాస్ అప్డేట్ చెబుతూ మేకర్స్ వదిలేసిన ప్రకటన అంతా మాస్ మహారాజ్ రవితేజదే.
డిసెంబర్ 12 ఉదయం 11.07 గంటలకు వాల్తేరు వీరయ్య నుండి రవితేజ ఫస్ట్ లుక్ టీజర్ డ్రాప్ అయ్యే అవకాశాలు కనిపిస్తున్నాయి. ఈ అప్ డేట్ తో మాస్ మహారాజ్ ఫ్యాన్స్ ఊగిపోతున్నారనే టాక్ కూడా జనాల్లో ఆసక్తిని పెంచింది. రవితేజ ఎలా కనిపిస్తున్నాడో చూడాలని అభిమానులు నిముషాలు లెక్కిస్తున్నారు.
గత కొంత కాలంగా ఈ సినిమా షూటింగ్ శరవేగంగా జరుగుతోంది. దీనికి తోడు ఎప్పటికప్పుడు విడుదలవుతున్న అప్ డేట్స్ ఆసక్తిని రేకెత్తిస్తున్నాయి. రీసెంట్‌గా మెగా 154 టైటిల్ టీజర్ రిలీజ్ చేసి ప్రేక్షకుల్లో అంచనాలు పెంచేసింది చిత్ర యూనిట్.
వాల్తేరు వీరయ్య కథను పూర్తిగా మాస్ కమర్షియల్ ఎలిమెంట్స్ ఉండేలా దర్శకుడు బాబీ రాసుకున్నాడు. యూనిట్ ఎక్కడా కాంప్రమైజ్ కాకుండా పర్ఫెక్ట్ అవుట్‌పుట్ కోసం కష్టపడుతోంది. దాదాపు షూటింగ్ కంప్లీట్ చేసుకున్న ఈ సినిమాలో రెండు పాటలు బ్యాలెన్స్ గా ఉన్నాయి.
ఈ సినిమాలో చిరంజీవి, రవితేజల మధ్య వచ్చే సన్నివేశాలు సినిమాకు పెద్ద అసెట్ అవుతాయని తెలియడంతో వీరిద్దరిని ఒకే స్క్రీన్‌పై చూడాలని ఇరువురి అభిమానుల్లో ఆసక్తి నెలకొంది. ఈ సినిమా కోసం భారీ బడ్జెట్‌ను కేటాయించారు.
మైత్రీ మూవీ మేకర్స్ బ్యానర్‌పై రూపొందుతున్న ఈ సినిమాలో చిరంజీవి సరసన శృతిహాసన్ హీరోయిన్‌గా నటిస్తోంది. రాక్ స్టార్ దేవిశ్రీ ప్రసాద్ సంగీతం అందిస్తున్నారు. ఈ వాల్తేరు వీరయ్య సినిమా వచ్చే ఏడాది జనవరి 13న సంక్రాంతి కానుకగా గ్రాండ్ గా రిలీజ్ కానుంది.