IND VS BAN 1st ODI: బ్యాటింగ్, ఫీల్డింగ్ తప్పిదాల వల్ల ఈ మ్యాచ్ ఓటమి పాలైంది అన్న రోహిత్ శర్మ
బంగ్లాదేశ్‌తో ఢాకా వేదికగా జరుగుతున్న తొలి వన్డేలో టీమిండియా ఒక వికెట్ తేడాతో ఓడిపోయింది. ఆరంభంలో బ్యాట్స్‌మెన్ విఫలమైనా.. బౌలర్లు అద్భుతమైన పోరాట పటిమను ప్రదర్శించారు. బ్యాటింగ్, ఫీల్డింగ్ తప్పిదాల కారణంగా ఈ మ్యాచ్లో భారత్‌ ఓటమి పాలైంది.
భారత బ్యాటర్లలో కేఎల్ రాహుల్ (73) మినహా మిగతా బ్యాటర్లంతా తీవ్ర నిరాశకు గురయ్యారు. ఈ ఓటమిపై మ్యాచ్ అనంతరం భారత కెప్టెన్ రోహిత్ శర్మ స్పందించాడు. బ్యాటింగ్‌లో మరో 25 నుంచి 30 పరుగులు చేసి ఉంటే మ్యాచ్ ఫలితం మరోలా ఉండేదని రోహిత్ అన్నాడు.
‘‘ఈ మ్యాచ్లో అద్భుతంగా పోరాడాం.. క్రెడిట్ అంతా బౌలర్లకే దక్కాలి.. ఆ వ్యక్తిని ఇంత దగ్గరికి తీసుకురావడానికి చాలా కష్టపడ్డారు.
తొలి బంతి నుంచి బంగ్లా బ్యాటర్లకు మా బౌలర్లు ఏమాత్రం అవకాశం ఇవ్వలేదు.. పేసర్లు 100 శాతం రాణించారు. చివరి వరకు శ్రమించాం.కానీ బ్యాటింగ్ చేయడంలో విఫలమయ్యాం.184 పరుగుల లక్ష్యం సరిపోలేదు.
మనం 25-30 పరుగులు చేసి ఉంటే ఫలితం మరోలా ఉండేది. 25 ఓవర్లలో మా ఇన్నింగ్స్ స్కోరు చూస్తే 240 నుంచి 250 పరుగులు చేస్తాం అనుకున్నాం. కానీ వరుసగా వికెట్లు కోల్పోవడంతో కేవలం నా స్కోరుకే పరిమితమయ్యాం. ముఖ్యంగా ఇలాంటి పిచ్‌పై ఎలా ఆడాలో నేర్చుకోవాలి.
కాబట్టి మా తదుపరి రెండు ప్రాక్టీస్ సెషన్‌లలో, మేము ఈ వికెట్‌ను అర్థం చేసుకుని ప్రాక్టీస్ చేస్తాము. ఈ మ్యాచ్ నుంచి మా అబ్బాయిలు చాలా నేర్చుకుంటారని భావిస్తున్నాను. మేము మా తదుపరి మ్యాచ్ కోసం ఎదురుచూస్తున్నాము. రెండో వన్డేలో మేం మెరుగ్గా రాణిస్తామని ఆశిస్తున్నా’’ అని రోహిత్ అన్నాడు.రెండు జట్ల మధ్య రెండో వన్డే బుధవారం జరగనుంది..
